Учесникот/учесничката заврши сеопфатна, повеќемодулна менторска програма за градење капацитети во областа на научната комуникација (science communication), реализирана во рамки на проектот STREAM-IТ. Програмата беше насочена кон развој на практични комуникациски и презентациски вештини, самодоверба и способност за ефективно пренесување на научни содржини до поширока публика. Програмата започна со воведна Bootcamp сесија, која овозможи структурирано запознавање со концептот на научна комуникација, разбирање на разликите во однос на другите форми на јавно говорење и идентификација на индивидуалните развојни потреби и мотивација на учесникот/учесничката. Во текот на програмата беа реализирани повеќе тематски модули: самодоверба и личен брендинг, ефективна научна комуникација и развој на презентациски вештини, при што секој модул комбинираше групни сесии и индивидуално менторство. Активностите вклучуваа самостојна проценка на комуникациските вештини, дефинирање на јасна порака и адаптација на научна содржина кон различни публики, како и примена на техники за ефективна вербална и невербална комуникација. Централен сегмент на програмата беше подготовката и унапредувањето на презентација базирана на сопствено истражување, преку структуриран процес на менторирана работа, тестирање и подобрување на содржината и изведбата. Учесникот/учесничката работеше на јасност, релевантност и пристапност на научната порака, како и на квалитетот на јавниот настап. Клучен дел од програмата беше подготовката за национален натпревар за научна комуникација, при што стекнатите знаења и вештини беа применети во практичен и компетитивен контекст.